Хари Кејн пред две недели стана најмладиот фудбалер кој стигнал до бројката од 100 гола во Премиер лигата, претходно сруши многу индивидуални рекорди во англискиот шампионат, а од синиќа е сопственик и на рекорд во Лигата на шампионите.

Кејн, синоќа против Јувентус го постигна првиот гол за својот тим и го намали резултатот во тој момент на 2:1. Овој гол беше седми за него сезонава во Лигата на шамионите, а вкупни девети во исто толку одиграни натпревари во елитното натпреварување.

Кејн го има најдобриот индивидуален старт во Лигата на шампионите, тој зад себе ги остави Роналдињо, Дидие Дрогба, Диего Коста и Симоне Инзаги. Овие фудбалери постигнале осум гола на првите девет натпревари во Лигата на шампионите.

Хари Кејн од почетокот на сезоната има одиграно 34 натпревари на кои постигнато 33 гола.