Менаџерот на Ливерпул, Јирген Клоп, ја составил листата на потенцијални засилувања во летниот преоден рок. Прво име на таа листа е неговиот сонародник од ПСЖ, Јулијан Дракслер.
Клоп бара замена за Фелипе Кутињо кој во јануари за 160 милиони евра се пресели во Барселона. Според него идеално решение за таа позиција е Дракслер, кој во ПСЖ не доби вистинска шанса.
Интерес за Дракслер покажува и Арсенал, што значи дека германскиот репрезентативец во летниот преоден рок ќе се пресели во Англија, прашање е само кој од наведените два тима ќе испрати побогата понуда за неговите услуги.