Олимпик Лион го победи лидерот во Франција, ПСЖ со 2:1, во дерби мечот одигран во 22.коло.
Лион и ПСЖ одиграа спектакуларен меч, кој го реши Мемфис Депај во последната минута. Лион во 22.коло му го нанесе вториот пораз на лидерот оваа сезона.
Капитенот на Лион Набил Фекир, во втората минута постигна спектакуларен гол. Фекир ја искорости лошата поставеност на голманот на ПСЖ Ареола и погоди од слободен удар.
#Replay? GOOOOOAAAAAALLLLLL NAABIIILLL #FEKIR ! 1-0 pour l’OL : pic.twitter.com/qo8TdmlXwA
— Inside Gones (@InsideGones) January 21, 2018
Напаѓачот на ПСЖ Килијан Мбапе во 36.минута поради полесна повреда беше повлечен од теренот. Потоа во финишот на првиот дел Курзава го постигна голот на сезоната. Дани Алвеш испрати центаршут од десната страна, а левиот бек со спектакуларен волеј го совлада Лопез.
KURZAWA HAS JUST PULLED PSG LEVEL WITH THIS BANGER… ?? pic.twitter.com/u23bVHr4H7
— Now Football (@Now__Football) January 21, 2018
Во вториот дел клучниот момент се случи во 57.минута кога Дани Алвеш поради груб старт доби директен црвен картон.
ПСЖ потоа се повлече и се чинеше дека ќе успее да го сочува резултатот 1:1.
Сепак, во 94.минута Депај упати силен удар од 25 метри и ја смести топката зад грбот на Ареола.
#Replay?GOOOOOOOALALALLALLALALAL #MEMPHIS !!!! Victoire de l’OL : pic.twitter.com/6NnfQhpsp5
— Inside Gones (@InsideGones) January 21, 2018
ПСЖ е лидер со 56 бода, осум повеќе од Лион и девет од Марсеј, на четвртото место е Монако со 46 бода.