Хрватска имаше предност од шест гола на полувремето, но на крајот се „тресеше“ да стигне до 28:27 победа над Чешка за освојување на петтото место на домашното Европско првенство.
First match during the semi-finals day Ivan Stevanović surprise us saving two times in a row against Czech Republic. Both teams are playing for the 5th and 6th position in the competition. ?? vs ?? #CROCZE#hypnoticgame #ehfeuro2018 @HRStwitt pic.twitter.com/8foP51tk3C
— EHF EURO (@EHFEURO) January 26, 2018
Во првото полувреме, Хрватите направија одлична предност, предводени од фантастичниот Стевановиќ на голот, но опуштањето во финишот на мечот можеше да ги чини победа, откако Чесите се вратија на гол разлика на една минута пред крајот.
Златко Хорват беше најдобар кај Хрватите со фантастични 10 голови, додека пет додаде Игор Карачиќ, додека кај Чесите најефикасен беше Ондреј Здрахала со неверојатни 13 голови, со што е најдобар стрелец на првенството со вкупно 55 погодоци.
Zdrahala is unstoppable ! Filip Jicha was the top goal scorer of the EHF EURO in 2010 but now a tie has come!#CROCZE ?? vs ??#hypnoticgame #ehfeuro2018 pic.twitter.com/Y2g50bHzLp
— EHF EURO (@EHFEURO) January 26, 2018
Натпреварот очигледно не успеа да го побуди интересот на домашната публика, откако во загрепската „Арена“ имаше едвај 2 илјади гледачи.
Наместо борба за медали, како што очекуваа домаќините, тие се соочија со празни трибини и сега се најавува голема промена во репрезентацијата, со повлекувањето на Игор Вори и најверојатно последниот натпревар на Лино Червар како хрватски селектор.