Top Sport

Исланд ја изненади Шведска, победија и Белорусите

Исланд и Белорусија забележаа победи во премиерните натпревари на Европското првенство кое денес започна во Хрватска.

Исланд, во А-групата во Сплит, во скандинавската пресметка ја победи Шведска 26:24 (15:8).

Исланѓаните со фуриозна игра во првите 40 минути успеаја да го изненадат фаворитот. Исланд по првите осум минути водеше 6:1, по 20 минути игра разликата беше девет голови, а на полувреме Палмарсон и друштвто водеа 15:8.

Дека Исланд ќе стартува со победа беше јасно по 40 минути игра кога разликата беше двоцифрена.

Гудмонсон со седум гола беше најефикасен во редовите на Исланд, а тројва играчи (Сигурдсон, Карасон и Гунарсон) постигнаа по пет гола. Најефикасен Швеѓанец со шест гола беше Годфритсон.

Шведска по серијата 6:0 успеа да се врати во мечот (22:18), во 55.минута беше 23:20, но Швеѓаните немаа ниту енергија ниту време да изборат барем реми.

Натпреварите во Б-групата започнаа со триумф на Белорусија. Белорусите во неизвесен меч ја победија Австрија 27:26 (14:12).

фото/http://cro2018.ehf-euro.com

Scroll to Top