Top Sport

Вардарки без мака на германското гостување

ЖРК Вардар стигна до втората победа во ракометната Лига на шампиони, победувајќи на гостувањето во Ерфурт против тимот на Турингер со убедливи 21:29, комплетирајќи го одличниот викенд за Вардар, откако машкиот тим во саботата ја победи големата Барселона.

Почетокот беше израмнет за двата тима, пред од 6:6, Вардар да направи низа од 6-0 за водство од 12:6, по што на полувреме се отиде на одмор со разлика од осум гола (11:19).

Најефикасна кај победничкиот тим беше Јованка Радичевиќ со седум гола, додека пет гола постигнаа Андреа Пенезиќ и Андреа Лекиќ, додека на голот, Ина Суслина имаше осум одбрани, а Амандин Лејно седум.

Дуелите во Лигата на шампионите продолжуваат за Вардар со домашната пресметка со норвешкиот Ларвик.

Scroll to Top