Првиот човек на францускиот шампион ПСЖ, Насер Ал-Калифи, смета дека најголемиот конкурент на неговиот тим, за титулата во Лигата на шампионите, ќе му биде Јувентус.
Ал-Калифи смета дека Јувентус, со Кристијано Роналдо е фаворитот број 1 за најпрестижната титула во клупскиот фудбал.
„Со Кристијано Јувентус ни е најголемиот конкурент за европскиот трофеј“, изјавил по состанокот на Европската асоцијација на клубови, Ал-Калифи за „Кориере дело спорт“.
ПСЖ, во фазата по групи во Лигата на шампиони, ќе игра против Ливерпул, Наполи и Црвена звезда.