Јувентус и официјално потврдија дека потпишале договор со играчот од средниот ред од Пари Сен-Жермен, Адриен Рабио на слободен трансфер, втор ваков договор кој го склучуваат по доаѓањето на Арон Ремзи од Арсенал.
Иако Јувентус не ги објавија финансиските детали и должината на договорот, се верува дека тој има четиригодишен договор вреден 7 милиони евра по сезона, со бонус од 10 милиони евра за потпишување.
Французинот утре во 11 часот наутро ќе биде официјално презентиран како фудбалер на „бјанконерите“.
À bientôt, @Adriien_Rabiiot !https://t.co/bI7QXrM5QN#LiveAhead pic.twitter.com/a04RFGDpxX
— JuventusFC (@juventusfc) July 1, 2019
23-годишниот Рабио е дел од школата на ПСЖ, за чиј прв тим почна да игра во 2013 година и оттогаш имаше 227 настапи, 25 гола, 20 асистенци и освои шест титули од Лига 1. Меѓутоа, минатата сезона, откако одби да го продолжи договорот со „светците“, тој беше исфрлен од првиот тим во декември и беше приморан да тренира посебно со вториот тим на ПСЖ.
Рабио има и шест настапи за француската репрезентација, иако не е повикан повеќе од една година, откако одби да биде на листата за чекање за Светското првенство во 2018 година, па селекторот Дидие Дешам реши повеќе да не го повикува.