Ден по освојувањето на светската титула, фудбалерите на Франција слетаа на аеродромот „Шарл Де Гол“, во Париз. Први од авионот со победничкиот пехар излегоа капитенот Иго Љорис и селекторот Дидие Дешам.
Со панорамски автобус, фудбалерите се упатија кон авенијата Шанзелизе, каде се пречекани од илјадници фанови.
Новите светски шампиони се пречекани од еден милион луѓе.
La foule sur les Champs-Élysées !! #lequipeCDM pic.twitter.com/IRVjQuEgJx
— la chaine L’ÉQUIPE (@lachainelequipe) July 16, 2018
Репрезентативците потоа ќе бидат примени од претседателот Емануел Макрон и неговата сопруга Бижит.
Францускиот претседател на секој играч ќе го одликува со „Легијата на честа’. Интересно, селекторот Дешам веќе го има добиено ова одликување, во 1998 година кога беше капитен на репрезентацијата.
Les Champs-Élysées s’embrasent complètement au passage du bus ! #lequipeCDM pic.twitter.com/N0rPOv8i7J
— la chaine L’ÉQUIPE (@lachainelequipe) July 16, 2018
Потоа за нив ќе биде организиран свечен прием во Елисејската палата.На приемот се поканети околу 3.000 гости, меѓу кои и многу млади фудбалери од фудбалските школи кои создаваат светски шампиони, каков што е клубот „Бонди“, каде започнал да тренира Килијан Мбапе.
На приемот гостите ќе ги анимира артистот Сејк, голем навивач на француската репрезентација, кој ќе настапи бесплатно.
Франција, вчера, ја освои втората светска титула во својата историја. Во финалето на 21.Светско првенство, Франција ја победи Хрватска со 4:2.
.@paulpogba et les Bleus à Paris. pic.twitter.com/SANzmm2DYv
— Equipe de France (@equipedefrance) July 16, 2018