На промоцијата во САД, на својот турнир во мал фудбал наречен „Нејмар Фајв“, Бразилецот се дружел и одговарал на прашањата на фановите.
Еден од фановите го прашал Нејмар кој е најдобриот одбранбен фудбалер кој му бил противник.
„Серхио Рамос“, без размислување одговорил Бразиелцот и дополнил.
„Сјајен стопер, најдобар бек против кого сум играл. Многу е тешко да играш против него“.
Без размислување Бразилецот одговорил и на прашањето кој е најдобриот фудбалер во моментов.
„Меси е најдобар во светот. Тој е најдобариот што некогаш играл фудбал. Заедно бевме одличен тандем. Ми беше чест што играв со него. Покрај тоа ние сме и пријатели“.
Нејмар и Меси беа соиграчи четири години во Барселона, но потоа Бразилецот реши да го сруши трансфер рекордот и за 222 милиони евра се презели во Пари Сен Жермен. Злобниците велат дека Нејамр заминал од Барселона за да излезе од сенката на меси.
Истите тие злобни јазици оваа изјава на Нејмар ја поврзаа со неговата желба да се врати на „Ноу Камп“, а зборот на Меси таму најмногу се почитува.