Шведските репрезентативци застанаа во одбрана на својот соиграч Џими Дурмаз кој доби закани и расни навреди откако беше одговорен за фаулот по кој Германија во финишпт на натпреварот стигна до драматична 2:1 победа.
29-годишниот фудбалер на Тулуз влезе во игра во 74. минута од мечот, пред да го направи фаулот по кој Тони Крос во 95. минута постигна фантастичен гол за 2:1 победа. Со 1:1, Германија ќе беше пред елиминација, а Шведска пред портите на втората рунда.
Дурмаз, кој е роден во Шведска и има асирско потекло – неговите родители емигрираа од Турција, ги намалуваше заканите и навредите кои се појавија на неговиот Инстаграм акаунт.
Jimmy Durmaz stood up and talked to the media after all the racism and threats he got after the game against Germany. pic.twitter.com/jOvuzMkc0M
— ?? (@SwedeStats) June 24, 2018
„Не се грижам за тоа. Тука сум гордо и ја претставувам мојата татковина“, изјави Дурмаз.
Иронично, Дурмаз беше единствениот не-етнички Швеѓанец во репрезентацијата, во која претходно играле фудбалери со различно потекло како Хенрик Ларсон и Златан Ибрахимовиќ.
Шведската фудбалска асоцијација објави дека ќе ги пријави заканите на шведската полиција а напаѓачот Џон Гуидети застана зад својот соиграч.
„Тоа беше лоша среќа. Идиотски е тој да биде мета на омраза поради такво нешто“, вели Гуидети.
Фото: ЕПА