Top Sport

Со ванила против комарците во Волгоград

Локалните власти во Волгоград решија со прскање на ванила да ги заштитат фудбалерите од комарците кои направија инвазија на градот домаќин на Мундијалот.

Пред мечот Англија-Тунис, градот на Волга беше „нападнат“ од илјадници мушички и комарци, кои ги почувствуваа и фудбалерите на теренот при загревањето. Англичаните го решија ова со поставување на силни средства против комарци пред мечот.

Сега, во борба против напаста, локалната власт објави дека пред мечот Нигерија-Исланд прскале мешавина на вода и ванила, а истото ќе биде направено и за дуелот Египет-Саудиска Арабија на 25 јуни, како и за мечот меѓу Јапонија и Полска, јавува руската новинска агенција „ТАСС“.

„Главната причина за ова беше високото ниво на реката Волга, а сега кога се врати нормалното ниво, бројот ќе се намали. Нема да исчезнат целосно, бидејќи вакви наезди се случуваат три до четири недели секоја година“, велат од градската власт.

Scroll to Top