Реал Мадрид во летниот преоден рок издвоија 100 милиони евра за Еден Азар. Белгиецот е проектиран да биде лидер на овој тим, некој што треба да го надомести заминувањето на Кристијано Роналдо.
Азар не блескаше во подготвителниот период, заработи и повреда поради што го пропушти стартот на сезоната. Видливо е дека е далеку од вистинската форма, а медиумите го обвинуваат дека е дебел.
На критиките дека Азар има проблем со вишокот килограми, одговорил тренерот на голманите во репрезентацијата на Белгија, Ервин Леменс. Тој проблемот го гледал во бојата на дресот.
„Азар е дебел? Секогаш бил ваков, цел живот го познавам. Белата боја ви додава килограми, односно создава погрешна слика“, рекол Леменс.
„Сигурен сум дека ќе ја врати формата, дајте му малку време“, заклучил Леменс.