Без резултатски изненадувања, со неколку одлични индивидуални партии минаа деветте натпревари што се одиграа изминатата ноќ во НБА лигата.
Дуелот на Лос Анџелес Клиперс и Милвоки Бакс заврши со победа на гостите 124:129. Бакс очекувано победија бидејќи во составот ги немаше најголемите ѕвезди Каваи Ленард и Пол Џорџ.
Доминираше на овој меч Јанис Адентокубо со 36 поени, 16 скока и девет асистенции. На спротивната страна свое шоу имаа Лу Вилијамс и Монтрезл Херел кои постигнаа по 34 поени.
Хјустон лесно славеа во дуелот со Голден стејт Вориорс 129:112. Џејмс Харден мечот го заврши со 36 поени и 13 асистенции. „Брадата“ на овој меч 16 пати шутна за три поени, погоди шест пати. Кај Вориорс се истакна Буркс со 28 поени.
Лука Дончиќ се наметнува како вистински водач на Далас Маверикс. Далас во драматичен натпревар го совлада Орландо 107:106. Дончиќ мечот го заврши со 27 поени и по седум скока и асистенции. Кај Орландо блескаше Црногорецот Никола Вучевиќ со 19 поени и 11 скока.
Сакраменто Кинг гостуваа кај актуелните шампиони Торонто Репторс. Мечот полн со пресврти им припадна на Репторс 124:118. Играчите на Сакраменто на овој натпревар постигнаа 20 тројки од 43 обиди. Нив ги предводеа Херисон Барнс со 26 поени, односно Богдан Богдановиќ кој постигна 22 поени (6/11 за три поени).
Резултати:
Детроит Пистонс-Њујорк Никс 122.102
Индијана Пејсерс-Вашингтон Визардс 121:106
Атланта Хокс-Чикаго Булс 93:113
Мемфис Гризлис-Минесота Тимбервулвс 137:121
Јута Џез-Филалделфија 106:104.