Новогодишните празници во светот на спортот секогаш се поврзуваат со традиционалната турнеја „Четири скокалници“. Се започнува во Оберстдорф, каде се скока во „старата“ година, првиот ден од новата година е резервиран за Гармиш-Партенкирхен, потоа следува Инсбурк, а турнејата завршува во Бишофсхофен.
Во тие десет дена лудило најдобрите ски-скокачи ќе имаат само два слободни дена, останатите ќе го „потрошат“ во квалификациите и натпреварите.
Најголем фаворит за трофејот на 68 издание на „Четирите скокалници“ е Јапонецот Рјоју Кобајаши, тој е лидер во генералниот пласман во Светскиот куп. Сезонава тој има две победи во Клингентал и Енгелберг.
Главни конкуренти ќе му бидат Австриецот Штефан Крафт, Полјакот Камил Стох и Германецот Карл Гајгер.
Својата шанса ќе ја чекаат и шампионот од 2016 Словенецот Петр Превц, односно Австриецот Јан Херл и искусните Норвежани Танде, Форфанг и Јохансон.
Распоред:
1. Оберстдорф
29 декември 16.30 – квалификации
30 декември 17.30 – скокови
2. Гармиш-Партенкирхен
31 декември 14.00 – квалификации
1 јануари 14.00 – скокови
3. Инсбрук
3 јануари 14.00 – квалификации
4 јануари 14.00 – скокови
4. Бишофсхофен
5 јануари 16.30 – квалификации
6 јануари 17.15 – скокови