Холандскиот гигант Ајакс Амстердам го именуваше тренерот на Утрехт, Ерик Тен Хаг како нов главен тренер со договор на две и пол години.
47-годишниот Холанѓанец го менува Марсел Кајзер, кој беше отпуштен минатата недела откако четирикратните европски шампиони испаднаа во Холандскиот куп од Твенте. Тен Хаг работеше заедно со Пеп Гвардиола во Баерн Минхен, каде што беше тренер на резервниот тим , пред во 2015 година да се врати во Холандија за да го преземе Утрехт.
Со Утрехт тој стигна до петтото место во шампионатот во првата сезона и до четвртото место минатат асезона, а во 2016 година загубија во финалето на Холандскиот куп од Феенорд предводени од Џовани ван Бронкхорст.
Ајакс се на второто место во холандскиот шампионат, со пет поени помалку од ПСВ Ајндховен, иако ги добија со 3:0 во дербото на 10 декември. Тен Хаг во првиот меч го пречекува шампионот Феенорд на 21 јануари.