Англискиот шампион Челси објави дека имал рекорден приход во периодот од јуни 2016 до јуни 2017, и заработувачка од 15.3 милиони фунти.
Лондонскиот клуб имал приходи од 361.3 милиони фунти, за 9.8% повеќе од 329.1 милиони фунти претходната година и покрај тоа што тимот не беше во Лигата на шампионите минатата сезона. Секако, најголемиот дел од парите доаѓаат од новиот обновен договор за ТВ правата во Премиер лигата, но и поради освојувањето на титулата.
„Задоволувачки е што фантастичниот успех на теренот е следен со успешна комерцијална година. Нашиот бизнис продолжи да расте и долгорочно ја покажуваме нашата стабилност. Секако, нашите фанови имаат голема улога во овој успех“, вели претседателот на Челси, Брус Бак.
Следната година би требало да биде уште подобра за Челси – клубот се врати во Лигата на шампионите, а има и нов комерцијален партнер во „Најк“.