Лејкерс ги добија Клиперс во дербито на Лос Анџелес со 112:103. „Езерџиите“ ја запишаа втората победа во третиот натпревар против Клиперс од почетокот на сезоната.
Клиперс одиграа добро во првото полувреме, најчесто ја имаа предноста, неколку пати водеа и со девет поени, но Леброн Џејмс не им дозволи да се „одлепат“. На полувреме Клиперс имаа предност од четири поени (53:39) благодарение на Пол Џорџ кој постигна 19 поени.
Во третиот период Лејкерс го презедоа водството потоа Клиперс возвратија со серија 11:2, но во последната четвртина сепак со предност влегоа „езерџиите“.
Решавачкиот период Лејкерс добро го исконтролираа, не им дозволија на Клиперс да им се доближат на помалку од шест поени.
Ентони Дејвис забележа 30 поени и осум скока, Леброн Џејмс имаше 28 поени и асистенции, но клучниот човек на Лејкерс беше Ејвори Бредли кој постигна 24 поени (шест тројки).
Кај Клиперс се истакнаа Пол Џорџ со 31 и Каваи Ленард со 27 поени.