Шпанскиот фудбалер Дани Себаљос и наредната сезона ќе го носи дресот на Арсенал. Клубот од Лондон објави дека повторно го позајмиле Себаљос од Реал Мадрид.
Тренерот на Арсенал Микел Артета инсистирал Себаљос да се врати во клубот. Двете страни бргу постигнале договор бидејќи Себаљос не се наоѓа во плановите на тренерот Зинедин Зидан.
Не е објавена сумата за која Себаљос наредната сезона ќе игра во Арсенал.
Инаку Себаљос пред неколку години беше најдобар играч на Европското првенство за млади фудбалери. Партиите на тоа првенство му овозможија трансфер од Бетис во Реал Мадрид.