Ријад Марез и Ајмерик Лапорт биле позитивни на коронавирусот, соопшти нивниот клуб Манчестер сити.
„Двајцата се во самоизолација, како што наложува правилникот на Премиер лигата и како што наложуваат правилата на Владата на Обединетото кралство“, се наведува во соопштението.
Двајцата фудбалери немале никакви симптоми и се чувствувале добро.
Сезоната во Премиер лигата започнува на 12 септември, меѓутоа Сити сезоната ќе започнат нешто подоцна. Поради учеството во Лигата на шампионите „граѓаните“ добија продолжен одмор.
Манчестер сити сезоната ќе ја отворат со гостувањето кај Вулверхемптон на 21 септември.