ПСЖ ќе се вклучи во трката со мадридски Реал за потписот на напаѓачот на Интер, Мауро Икарди. Според француските медиуми ПСЖ е подготвен да ја плати откупната клаузула која изнесува 110 милиони евра.
Наводно, ПСЖ, на Икарди му нуди петгодишшен договор вреден 40 милиони евра. Аргентинецот на „Паркот на принцобите“ би го заменил Единсон Кавани чии трансфер е извесен во летниот преоден рок поради неговите несогласувања со најголемата ѕвезда во тимот, Нејмар.
Инаку, неколку шпански медиуми објавија дека понудата на Реал за Икарди е подобра од онаа на ПСЖ. Реал за петгодишен договор понудил 45 милиони и 30 до 50 отсто од приходите на ликот на Икарди.
Икарди во Интер пристигна во 2013 година од Сампдорија и веднаш се наметна како лидер во тимот. Од лани ја носи и капитенската лента, меѓутоа челниците на клубот веќе немале нерви поради честите финансиски барања на сопругата на фудбалерот, која воедно е и неговов менаџер и поради тоа по завршувањето на сеозната ќе му дозволат да си оди.