Тренерот на Барселона, Роналд Куман му наредил на Усман Дембеле да се појавува на дополнителни тренинзи додека неговите соиграчи добија четири дена одмор, тврди шпанскиот весник „Спорт“.
Францускиот напаѓач е извор на фрустрации на „Ноу Камп“ по неговото пристигнување од Борусија Дортмунд во 2017 година поради слабата форма и честите повреди. Тој нема играно за Барса од минатиот ноември, кога се врати од повреда и пак се повреди на мечот со својот поранешен клуб, Борусија.
Барса се обидоа да го продадат ова лето, но и покрај интересот од Манчестер јунајтед, не можеа да ги убедат „ѓаволите“ на директна продажба.
Според „Спорт“, мерката на Куман не е „казнена“, туку е обид да се врати во форма фудбалерот за кој платија висока сума и останува шести најскап фудбалер во историјата, и да се бори за место во тимот. Филипе Кутињо, Ансу Фати и Антоан Гризман се првиот избор на Куман.