Екипата на Херта успеа да остане непоразена на гостувањето кај минхенски Баерн во рамките на 24.коло во Бундеслигата. Дуелот со Херта е прв по 25.ноември минатата година на кој Баерн не забележа победа.
Херта успеа да го исдржи притисокот на Баерн кој на „Алијанц арена“ имаше 76 отсто од поседот на топката и 18 удари кон противничкиот гол.
Со нерешениот резултат Баварците ставија крај на серијата од 10 победи во шампионатот.
По ремито 0:0 Баерн останува на лидерската позиција со 20 бода повеќе од Борусија Дортмунд која својот меч од ова коло ќе го одигра в понеделник.
Хофенхајм и Фрајбург ремизираа 1:1. Крамариќ постигна убав гол во 57.минута за домаќинот, а девет минути подоцна израмни Петерсон.
Штутгарт со голот на Томи во 13.минута го победи третопласираниот Ајнтрахт Франкфурт, а Борусија Менхенгладбах славеше кај Хановер со погодокот на Крајмер.