Португалскиот репрезентативец Диго Жота, синоќа влезе во историјата на еден од најславните светски клубови, Ливерпул.
Жота, во второто полувреме, го постигна првиот гол за Ливерпул против Митјиланд. Неговиот гол беше 10.000 во историјата на клубот од „Енфилд“.
„Убаво е ова, но тоа е само статистика. Секако дека сум среќен, на ваков начин влегов во историјата. Најзаслужен е Трент, одлично помина по десната страна, добив совршена топка“, рекол Жота.
Португалецот, во летниот преоден рок, се пресели во Ливерпул од Вулверхемптон за сума од 40.000.000 евра.