Барселона во осмото коло, гостува во Виторија, кај Алавес. Роналд Куман со ултра офанзивна формација го напаѓа домаќинот. Од првата минута на теренот се Дембеле, Фати, Гризман и Меси.
Во првата половина од првиот дел Барселона имаше една голема шанса, преку Ансу Фати, но неговиот удар заврши крај голот.
Алавес го отвори резултатот во 31 минута. Пике во проблеми со повратна топка го стави својот голман Нето. Бразилецот не успеа да ја избие топката, се обиде да дрибла меѓутоа Риоха му ја одзеде и го постигна најлесниот гол во својата кариера.