Трката во Формула 1 што денеска започна во Бахреин е прекината уште во првиот круг поради голем инцидент.
Францускиот возач Роман Грожан удри во заштитната ограда и неговиот болид се запали. Возачот брзо потоа го напушти болидот и веднаш беше сместен во амбулантно возило крај патеката. Редарите набрзо потоа го изгаснаа пожарот, а болидот комплетно изгоре.
Телевизиската снимка покажа дека Грожан тешко се движи кон амбулантното возило, но од неговата екипа соопштија дека тој се здобил само со мали изгореници.
A horrific crash to start the #BahrainGP this evening. Thankfully, Romain Grosjean survived this hit and seems to be okay ?
Haas F1 Team says Grosjean has some minor burns, but is okay otherwise. pic.twitter.com/LeJ99gILN1
— UNB! Motorsports (@UNBMotorsports) November 29, 2020
„Грожан е добро, има мали изгореници на рацете и зглобовите. Сега е на прегледи, свесен е. Спасувачките екипи брзо реагираа. Имавме среќа во несреќа“ рече директорот на тимот на Хас, Гинтер Штајнер.
По инцидентот, трката беше прекината, а возачите испратени во боксот.