Фудбалскиот клуб Оукленд Јунајтед од Нов Зеланд се откажа од настап на Светското клупско првенство што идниот месец треба да се одржи во Катар. ФИФА објави дека новозеландскиот клуб го откажал настапот поради ограничувањата што ги вовеле тамошните власти поврзани со пандемијата на Ковид 19.
Инаку, Оукленд деветпати ја освојува Лигата на шампиони на Океанија.
Светското клупско првенство во Катар ќе започне на 1 февруари и ќе трае до 11 тој месец, а на него ќе настапат Баерн Минхен, домашниот тим Ал Духаил, египетски Ал Ахли, мексикански Тигрес, јужнокорејски Улсан и победникот од финалето во Копа Либертадорес што се игра на 30. овој месец меѓу Сантос и Палмеирас.