Победата над Роџер Федерер во финалето на Мастерсот во Индијан Велс за Хуан Мартин дел Потро имаше посебно значење.
Не само што се работеше за негова прва Мастерс 1000 титула во кариерата со победа над најдобриот на сите времиња, туку и поради посебна причина. По мечот, Дел Потро на камерата напиша „CESAR“ како посвета на неговото куче кое почина минатиот месец. Претходно, на Инстаграм, светскиот рекет број 6 напиша и посебна посвета за Цезар.
„Многу ми недостасуваш, верен пријателе. Беше покрај мене речиси 10 години, ме чекаше со радост по секое патување и го правеше цело семејство среќно. Денеска почиваш во мир, но уште има место во моето срце. Збогум, Цезар“, вели Дел Потро.
How cute is this.
Delpo dedicates his win to Cesar, his dog who died last month pic.twitter.com/krc8RqgTw0
— Luigi Gatto (@LuisGatTWI) March 18, 2018