Стивен Кари постигна 29 поени во 25 минути, пред да го повреди левото колено, додека неговите Голден Стејт со 106:94 ги совладаа Атланта хокс.
Кари, кој се врати по повредата на скочниот зглоб поради која пропушти шест натпревари, беше „закачен“ од колегата Џевејл Мекги во судирот во третата четвртина, по што во болки прво отиде до клупата, а потоа и до соблекувалната.
Steph Curry was visibly upset, and limped to the locker room after this apparent left leg injury. pic.twitter.com/GLzsV2jtWM
— SportsCenter (@SportsCenter) March 24, 2018
Ник Јанг постигна 24 поени за Вориорс, кои исто така беа без повредените Кевин Дурент, Дрејмонд Грин и Клеј Томпсон, додека најефикасен за Атланта беше Ториан Принс со 20 поени.
Ламаркус Олдриџ имаше најдобри во неговата кариера 45 поени, од кои 28 во првото полувреме за Сан Антонио да ги совлада Јута по продолжението со 124:120 во меч кој може да има многу последици за плеј-офот.
Донован Мичел постигна тројка на 3.6 секунди пред регуларниот дел за да ги комплчетира фуриозните две минути од последната четвртина за 114:114.Ова беше шеста победа во нзиа за Спарси, кои сега се израмнети со Њу Орлеанс на петтото место на Западот на девет натпревари пред крајот на регуларната сезона. Јута имаат еден меч предност пред Денвер на осмото место на Западот.
Маркус Морис постигна 30 поени за Бостон да се врати од 12 поени негатива за победа кај Портланд. Тери Розиер додаде 16 поени за Селтикс, кои ја добија последната четвртина со 38:23. Лилард и Меккалам имаа по 26 поени за Портланд, кои загубија вторпат едноподруго по низата од 13 победи.
НБА РЕЗУЛТАТИ
Голден Стејт – Атланта 106:94
Портланд – Бостон 100:105
Сан Антонио – Јута 124:120 ОТ
Торонто – Бруклин 116:112
Оклахома сити – Мајами 105:99
Индијана – ЛА Клиперс 109:104
Вашингтон – Денвер 100:108
Кливленд – Феникс 120:95
Њујорк – Минесота 104:108
Чикаго – Милвоки 105:118