Стефанос Циципас во драматичен меч, против 267 играч на АТП листата, Танасис Кокинакис, успеа да избегне елиминација од Австралија опен. Петтиот носител, по голема борба која траеше четири часа и 35 минути, забележа победа 6/7, 6/4, 6/1, 6/7, 6/4.
Клучниот момент во мечот се случи во шестиот гем од решавачкиот сет, кога Циципас успеа да направи брејк. До крајот на мечот успеа да ја задржи предноста и да закаже меч со Микаел Имер.
За разлика од Циципас, во три сета втората рунда ја минаа Русите, Андреј Рубљов и Карен Хачанов.
Рубљов го победи Бразилецот Монтеиро со 6/4, 6/4, 7/6, додека Хачанов славеше во дуелот со Литванецот Беракнис 6/2, 6/4, 6/4.
Матео Беретини одигра четири сета и успеа да го победи Чехот Михац со 6/3, 6/2, 4/6, 6/3.
Турнирот во второто коло заврши за Борна Чориќ. Хрватот загуби од Американецот Мекензи Мекдоналд со 1:3 во сетови.