Флојд Мејведер Јуниор открива дека планира да работи со шампионот во тешка категорија Ентони Џошуа наскоро, подготвувајќи го за двата мега-дуели со Тајсон Фјури за обединување на титулите кај тешкашите.
44-годишниот Мејведер беше присутен на мечот на Џошуа против бугарскиот предизвикувач Кубрат Пулев во декември, кога Еј Џеј ги одбрани ВБА, ИБФ и ВБО титулите, и дури му даваше совети пред стартот на мечот. Американецот, кој лани објави дека сака да стане боксерски тренер, вели дека повторно е подготвен за соработка.
„Ентони Џошуа има огромно искуство, но и Тајсон Фјури има огромно искуство. Мислам дека на Ентони му помогна што загуби еден меч, бидејќи стана посилен. Постојано сум во комуникација со него и наскоро ќе соработуваме. Со Фјури се сретнав неколку пати, голем човек, многу интересен боксер“, вели Мејведер.