Најскапиот играч на светот, Нејмар повеќе наликува на Лионел Меси отколку на ѕвездата на Реал Мадрид, Кристијано Роналдо вели неговиот бразилски сонародник, легендарниот Пеле.
Нејмар помина четири сезони покрај Меси на „Ноу Камп“ пред минатото лето да замине за рекордни 222 милиони евра во Пари Сен-Жермен, во обид да ја прекине доминацијата на Меси и Роналдо ако најдобар играч на светот во последната деценија.
Многумина го гледаат Нејмар како „микс“ на двете суперѕвезди со мешавина на креативност и експлозивност пред голот, но Пеле вели дека за разлика од Роналдо, Нејмар повеќе игра како организатор на играта.
„Нејмар беше споредувам со Кристијано Роналдо, но неколку пати велев дека споредбата не е добра. Кристијано е одличен фудбалер, тој може да биде како нашиот Вава, нашиот Кутињо, фантастичен во завршницата. Нејмар е повеќе во стилот на Меси, некој кој ја организира играта, но и постигнува голови“, вели Пеле во интервју за „ЕСПН“.