Реал Мадрид нема да ги пречека со почесен строј Барселона на „Ноу Камп“ ако Каталонците ја освојат титулата во Ла лига пред нивниот меѓусебен дуел на 6 мај, вели Зинедин Зидан.
Според францускиот тренер, причина за ова е тоа што Барселона се одлучија да не ги почестат Реал со сличен гест по нивниот триумф на Светското клупско првенство во декември.
„Не знам колку пати ќе ме прашувате, бидејќи мојот одговор е многу јасен. Тоа е моја одлука и тоа е крајот. Не сфаќам зошто би требало да има почесен строј, бидејќи сме далеку од сезоната. Сеедно, Барселона веќе ја прекрши традицијата“, вели Зидан.
Зидан се лути за мечот на 31 декември 2017, кога Блауграна не му оддадоа почит на тимот на Реал, по што победија со 3:0.
„Во Барселона, обично правиме такви работи кога учествуваме на турнирот кој ќе го освои противничкиот тим“, беше тогашното објаснување на Гијермо Амор, одговорниот за младинските школи на Барселона.
Фото: ЕПА