Тренерот на Интер, Лучано Спалети, смета дека неговите играчи не го заслужиле поразот во дербито против Јувентус. Тој не верува дека играчите лесно ќе го заборават овој пораз.
„Ќе биде потребно повеќе од една непроспиена ноќ. Јасно е дека мора да го прифатиме поразот. Прашање е зошто ова мораше токму нас да ни се случи? На играчите им е тешко да го прифатат ова, бидејќи за она што го прикажаа требаа да бидат наградени. Натпреварот имаше голема важност за нас, за навивачите. Некои работи едноставно не можеме да ги разбереме. Не требаше вака да заврши. Вознемирувачки е сето ова бидејќи играчите не се роботи“, рекол Спалети.
Јувеннтус, синоќа во Милано, го порази Интер со 3:2. Интер имаше гол негатива и играч помалку по 17 минути игра, потоа во вториот дел направи пресврт, меѓутоа Јувентус со головите во 87. и 89.минута, на Шкрињар (автогол) и Игуаин ги освои трите бода.
Интер, по 35.коло, остана на петтото место со 66 бода. Тимот на Спалети има натпревар повеќе и бод помалку од четвртопласираниот Лацио.