Фиорентина официјално го презентираше Лукас Тореира, земајќи го Уругваецот на позајмица од Арсенал со опција за купување за вкупно 16.5 милиони евра.
25-годишниот Тореира ќе чини 1.5 милиони евра за позајмицата, со опција за купување за 15 милиони евра на крајот на сезоната. Ова е враќање на Уругваецот во Италија, откако тој беше дел од младинскиот тим на Пескара од јануари 2014, по што играше за Сампдорија пред трансферот од 28.65 милиони евра во Арсенал во 2018.
Тој не успеа да се наметне во тимот на „топчиите“, а комбинацијата на слаба форма и проблеми во личниот живот, значеше дека Арсенал минатата сезона го прати на позајмица во Атлетико Мадрид.
Welcome Lucas Torreira ⚜️#ForzaViola ? #Fiorentina #ACFFiorentina #Torreira pic.twitter.com/2XK0FRxD6U
— ACF Fiorentina English (@ACFFiorentinaEN) August 25, 2021