Болтон е домаќин на турнирот „Champions of Champions“. Наградниот фонд на овој турнир изнесува 150.000 фунти.
Најмногу титули на ова натпреварување, четири, има Рони О’Саливен. Вториот на светската ранг-листа, Џад Трамп, смета дека на О’Саливен ќе му биде многу тешко за да победи во Болтон.
„Реално, има многу квалитетни играчи, поради тоа е тешко да се победи. Рони не освоил турнир 18 месеци. Сигурно е дека самодовербата не му е на највисоко ниво“, изјавил Трамп.
Последниот трофеј О’Саливен го освои, во август минатата година, кога стана светски првак. Од таа победа, Рони пет пати играл финалиња на различни турнири и ниту еднаш не успеа да победи.
„Нема тука голема филозофија. Врвните играчи повеќе не му се плашат на Рони. Свесни се дека меѓу нив нема голема разлика. Поради тоа тој не е доминантен, како што тоа беше случај во еден дел од неговата кариера“, рекол Трамп.