Репрезентацијата на Русија, со победата над Шпанија и овозможи на Србија да игра во четврт-финалето, во Девис купот.
Русите во Мадрид ја победија Шпанија со 2.1, клучниот поен го обезбеди дублот Рубљов-Карацев против Гранољес и Лопез.
Претходно Данил Медведев го израмни резултатот на 1:1, откако Рубљов го загуби првиот меч.
Дали заслужил вечера од Новак Ѓоковиќ,го прашале новинарите Медведев по победата на Русија.
„Ќе видиме. Вечера сигурно нема да има додека трае завршницата во Мадрид. Но кога ова ќе заврши…зошто да не“, рекол Медведев.
„Добивме голем број пораки од Србија. Нема да кажам кои луѓе ни пишуваа. Пораките беа „Победите“, „Навиваме за вас“. Искрено беше забавно. Тоа е убавината на овој формат во Девис купот. Ние не сакавме да ја елиминираме Шпанија или да ја оставиме Србија во игра. Игравме за себе. расплетот е таков што Србија има причини за задоволство“.
Русија во четврт-финалето ќе игра против Шведска на 2.декември, Србија ден претходно ќе се сретне со Казахстан.
Останатите две четврт-финални двојки се Велиа Британија-Германија и Италија-Хрватска.