Англиските медиуми тврдат дека Манчестер јунајтед контактирале со Барселона за можна трампа во јануари на Антони Марсијал со Усман Дембеле, со која француските репрезентативци би си ги смениле тимовите.
Марсијал веќе изрази желба да замине од тимот на Ралф Рангник, и се верува дека Севилја е најзаинтересирана за неговите услуги, иако самиот Рангник изјави дека „никој не дал понуда“ за напаѓачот. Оваа сезона по враќањето на Кристијано Роналдо во тимот, Марсијал има минимална улога во тимот на „ѓаволите“.
Од друга страна, Усман Дембеле се веруваше дека ќе потпише нов договор со Барселона, но во каталонскиот клуб биле „шокирани“ од високата плата која ја побарува напаѓачот, кој не ги оствари високите очекувања кога беше донесен како замена за Нејмар од Борусија Дортмунд.