Напаѓачот на Фиорентина, Душан Влаховиќ, ќе го одбие можниот трансфер во Арсенал бидејќи сака да се приклучи на „поамбициозен проект“, тврди новинарот на „Скај спорт Италија“, Џанлука ди Марцио.
21-годишниот српски напаѓач привлече внимание оваа сезона откако постигна 18 гола во 22 меча за Фиорентина, а Арсенал се во потрага по нов напаѓач во јануари, откако договорот на Александер Лаказет завршува на крајот на сезоната, а Пјер-Емерик Обамејанг е во конфликт со менаџерот, Микел Артета.
Манчестер јунајтед, Тотенхем и Јувентус исто така беа поврзувани со Влаховиќ.