Кристијано Роналдо сигурно ќе ја одбие супер-богатата понуда да замине од Манчестер јунајтед во Саудиска Арабија, тврди „ЕСПН“, иако опциите за трансфер од „Олд Трафорд“ му се стеснуваат.
Неименуван клуб од Саудиска Арабија понудил 30 милиони евра на Јунајтед за потписот на Роналдо, со што тој би станал најскаплатениот фудбалер со 275 милиони евра за следните две години. 37-годишниот Португалец има договор со клубот до јуни 2023, но неодамна побара трансфер во обид да отиде во клуб каде што би играл во Лигата на шампионите, иако од англискиот клуб тврдат дека тој не е на продажба.
Оваа вест доаѓа откако Челси ја отфрли можноста да го купи Роналдо, откако претходно истото го направија и Пари Сен-Жермен, Баерн Минхен и Атлетико Мадрид.