Барселона, која се мачи со долгови и финансиски проблеми, веројатно го платила трансферот на Роберт Левандовски дури и повеќе отколку што беше најавено, пишува шпанскиот Ел Паис.
За Левандовски беше најавено дека Барселона плаќа 50 милиони евра и тоа 45 милиони фиксни, плус пет милиони во бонуси, но шпанскиот весник „Ел Паис“, повикувајќи се на извор на агент запознаен со трансферот, објавува дека трошокот е поголем.
Се наведува дека трансферот сепак ќе изнесува 60 милиони евра, 45 милиони евра фиксни, со пет милиони евра бонуси, доколку Барселона ја освои Лигата на шампионите и 10 милиони евра доколку Левандовски остане во клубот цела сезона. Ова е начин да се заобиколи финансискиот фер-плеј и да се префрли дел од цената во следната финансиска година.
Шпанците велат дека дел од причината за ваквата клаузула е да се избегнат и критиките за прекумерното трошење за клуб кој е оптоварен со долгови и неодамна ги продаде идните приходи за свежа готовина сега.
Се наведува и дека платата на Левандовски е нешто повисока од првично најавуваната и дека изнесува 16 милиони евра по сезона.
According to Spanish outlet EL PAIS, #Lewandowski‘s departure could cost #Barcelona 60 million euro.
– 45 million € fixed fee
– 5m€ if Barcelona wins Champions League
– 10m€ if Lewandowski completes his first season at Barcelona pic.twitter.com/9JoCXrO662— Bayern Munich English & Die Manschaft (@altaeeameer11) July 17, 2022