Менаџерот на Ливерпул, Јирген Клоп смета дека неговите фудбалери мораат да го подобрат своето ниво на „страст и напор“, откако не успеаја да стигнат до победа во првите три меча во Премиерлигата оваа сезона.
По нерешените мечеви со Фулам и Кристал палас, Ливерпул доживеаја болен 2:1 пораз од лутите ривали Манчестер јунајтед во понеделникот, и сега во сабота имаат шанса да ја запишат првата победа против новот прволигаш Бурнемаут.
„Мораме да бидеме подобри веднаш. Потребен ни е 100 напор, ако не и повеќе, плус вистинска страст. Ова е фудбал на највисоко ниво. Работите кои ги остваривме во минатото не беа лесни, така што ниту сега нема да биде лесно. Мојата работа е да ги поставам работите на вистинско место и можам да научам многу кога не е така. Дел од работата е да се прегрупираме, да најдеме совршен начин да се бориме против светот и да не страдаме. Одигравме многу полоши мечеви од тој со Јунајтед и навистина е разочарувачки бидејќи требаше да го добиеме тој натпревар. Со 70 отсто посед против тим кој игра со контранапади“, вели Клоп.