Пабло Агилар е последното засилување за кошаркарскиот клуб Цедевита во преодниот рок. Искусниот крилен центар е осмиот играч што летово пристигна во редовите на шампионот на Хрватска.
Агилар изминатите три сезони беше во Гран Канарија, аво кариерата бил играч на Реал, Сарагоса и Валенсија.
Минатата сезона во шпанската лига и Еврокупот во просек по натпревар имал учинок од 7 поени и 4,4 скока.
Агилар со репрезентацијата на Шпанија има освоено златен медал на Европското првенство во 2015 година, а има и бронзен медал од ЕП во 2013 година.
Претходно, Цедевита потпиша договори со Џејмс Бел, Тајлер Вајдмен, Виктор Бените, Џастин Кобс, Елџин Кук, Аугусто Лима и Џош Магети. Во новата сезона, Цедевита ќе ја предводи шпанскиот тренер Сити Алонсо.