Лошата предсезона за Манчестер јунајтед може да стане уште полоша, ако се покажат како вистинити вестите на „Ел мундо депортиво“ дека Пол Погба е на пат да стане нов фудбалер на Барселона, по инсистирање на неговиот агент Мино Рајола.
Шпанскиот весник тврди дека Рајола е во Англија на преговори со првите луѓе од „Олд Трафорд“, за да ги убеди да го пуштат францускиот репрезентативец да потпише за Барселона, иако за ова има малку време – преодниот рок во англија завршува во четврток, на 9 август, а Јунајтед би сакале да донесат некакви засилувања дотогаш, пред да се решат на продажба.
Погба нема најдобри односи со менаџерот на Јунајтед, Жозе Мурињо, кој лани беше полн со критики за Французинот и дури го поставуваше на клупата, но се веруваше дека враќање во Јувентус е подобра опција. Совршена замена за Погба во Јунајтед би бил Миралем Пјаниќ, уште еден фудбалер за кој имаше врзано многу шпекулации ова лето.