Менаџерот на Њукасл, Еди Хау вели дека Кристијано Роналдо е успешен и при враќањето во Манчестер јунајтед, но ја отфрли можноста неговиот, сега многу богат тим по преземањето од саудиските инвеститори, да го купи 37-годишниот Португалец.
Се верува дека Роналдо се обиде да си замине од „Олд Трафорд“ ова лето, но дека не успеал да најде вистински клуб за него, а Њукасл се сигурно тим кој може да си приушти да ја исплаќа неговата огромна плата.
„Ние се обидуваме да направиме клуб со долгорочен раст, со визија за подолги патеки. Во моментов имаме доволно стар тим и мораме да инвестираме во млади играчи. Затоа, Роналдо не би бил во нашиот профил, иако не го занемарувам неговиот квалитет. Видете колку голови даде лани и затоа сметам дека неговиот трансфер во Јунајтед е успешен. Неговиот квалитет е неоспорен“, вели Хау.