Пеп Гвардиола имаше само зборови за поддршка на својот ривал од Челси, Греем Потер, откако Манчестер сити со 4:0 ги декласираа „сините“ во меч од ФА купот, неколку дена откако победија и на „Стемфорд Бриџ“ во Премиерлигата.
Потер, кој го замени Томас Тухел на клупата на Челси, е под притисок, откако неговиот клуб е само 10-ти на табелата, но Гвардиола смета дека мора да му се даде време да покаже што умее.
„Само би кажал на Тод Бели да му даде на Греем Потер време. Дајте му време. На сите тренери им е потребно време. Мене во Барса, не ми беа потребни две сезони, но тоа беше така само бидејќи го имав Меси“, вели Гвардиола.