Манчестер јунајтед нема да може да смета на својот фудбалер од средниот ред, Дони ван де Бек до крајот на сезоната поради повреда на коленото, добиена на мечот со Борнмут на 3 јануари, кога во солзи излезе од теренот во ретка шанса кога му беше дадена шанса да биде стартер во тимот на Ерик Тен Хаг.
„Долгорочно, нема да има проблеми и ќе се врати на стартот на пред-сезоната. Но, до крајот на сезоната нема да може да игра“, призна Тен Хаг.
Ван де Бек пристигна на „Олд Трафорд“ од Ајакс во 2020 за 35 милиони фунти, но не успеа да стане дел од првиот тим и покраај големите очекувања, поминувајќи половина сезона на позајмица во Евертон. Ситуацијата малку се подобри со доаѓањето на Тен Хаг, пред да дојде повредата.
„Сите сме покрај него и ја има нашата поддршка. Страшно кога добиваш лоша повреда сред сезона. Позитивно е што неговото колено нема да има постојани проблеми по повредата. Играчите чувствуваат дека градиме нешто добро и знам колку е разочаран што нема да може да бидедел од тоа“, вели Тен Хаг.