Новиот газда на Челси, Тод Бели побара од навивачите да ја имаат довербата во водството на тимот по мизерната прва сезона по заминувањето на Роман Абрамович, најавувајќи 3:0 победа на „Сантијаго Бернабеу“ вечерва во првиот меч од четврт-финалето на Лигата на шампиони против актуелниот шампион Реал Мадрид.
Покрај тоа што даде одобрување за трошење на фантастични 600 милиони фунти во два преодни рока, ко-сопственикот Бели го отпушти Томас Тухел, го ангажираше и го отпушти Греем Потер и го врати Френк Лампард како преоден тренер. Резултатот е 11. место на табелата во Премиерлигата, така што фокусот се префрлува на Лигата на шампиони.
„Имајте многу верба. И вечерва ќе побеиме со 3:0! Ова е долгорочен процес и имаме многу работа пред нас, но возбудени сме за тоа што носи иднината. Иднината е светла и возбудени сме пред вечерашниот меч“, вели Бели.
Todd Boehly is confident 😬 pic.twitter.com/Fz5HrEfwdK
— GOAL (@goal) April 12, 2023