Фудбалерот на Интер, Федерико Димарко открива дека бил на трибините на „Сан Сиро“ на последниот меч на Интер и Милан во Лигата на шампиони пред речиси 20 години и сега ужива во шансата да игра во европското дерби во среда и да го победи лутиот ривал.
Бекот покрај тоа што е еден од стандардните првотимци под Симоне Инзаги, е и голем навивач на „нераѕурите“ и знае колку вреди оваа пресметка за секој навивач.
Во 2003 година, Милан и Интер се сретнаа исто така во полуфиналето – во првиот меч, со Милан како домаќин беше 0:0, за во реваншот со Интер како домаќин да биде 1:1, и „росонерите“ да одат понатаму поради правилото гол во гости. Во финалето, Милан се судри со уште еден италијански клуб, Јувентус на „Олд Трафорд“ во Манчестер и по 0:0 по 120 минути ја освоија својата шеста европска титула со 3:2 победа на пенали.
„Бев на ‘Сан Сиро’ тогаш. Немам прекрасни сеќавања како навивач на Интер, но да се помисли дека тоа беше пред 20 години и сега имам шанса да играм против нив е прекрасно чувство. Секогаш е посебно да се игра дерби и сум давал 100 отсто. Милан поминаа два тешки противници и треба да се докажеме дека сме подобри за нив. Сакаме победа“, објаснува Димарко.
Dimarco: "Ero a San Siro nel 2003, un'emozione giocare questo derby" #Dimarco #UCL #MilanInter #derby https://t.co/3oOm8nhuAh
— SportMediaset.it (@sportmediaset) May 9, 2023