Пеп Гвардиола, по ремито 1:1 на Манчестер Сити со Реал во првиот полуфинален натпревар од Лигата на шампионите, беше револтиран од очекувањата на јавноста дека неговиот тим ќе победи на „Сантијаго Бернабеу“.
Гвардиола по натпреварот нервозно реагираше на едно новинарско прашање: „Дали очекувавте резултатот да биде ваков откако луѓето велеа дека Сити ќе го уништи Реал?
Пеп луто возврати: „Кој го рече тоа?!“
Иако не доби одговор, тоа го изјави Вејн Руни. Гвардиола продолжи со неверување: „Реал е симболот на Лигата на шампионите, актуелен победник и рекордер. Никој не го знае ова натпреварување подобро од него. Ако мислевте дека ќе дојдеме кај него дома и ќе му дадеме шест гола, тоа е ваш проблем!”